Sjølv om det er sett av tid til dei ulike aktivitetane bestemde dagar, er det gildt viss de strikker, speler gitar eller speler spel i dei andre matfriminutta også.
Lesesirkel
Måndag, tysdag og torsdag vil det bli lesesirkel. Den første boka me skal lese er "Hver morgen dyppet min søster brystene i isvann for å bli pen". De les i boka og diskuterer den etterkvart. Lesesirkelen vil vere i grupperom rett utføre biblioteket i A-bygget. Det vil henge lapp på døra.
Gitargruppe
Torsdag: Me har 4 akustiske gitarar som kan lånast til samspel på grupperom ved sida av biblioteket i A-bygget. Det vil henge lapp på døra. Dette tilbodet kan utvidast til fleire dagar. Det er mulig å få hjelp av lærar ved ønske/behov. Gitarane kan lånast på biblioteket dei andre dagane.
Sjakk, brettspel og Uno
Måndag, tysdag og torsdag set me ut forskjellige brettspel, sjakk og Uno utføre biblioteket i A- bygget, og utføre kantina i B-bygget. Spel kan lånast på biblioteket i dei andre friminutta.
Filmklubb
Tysdag er det filmklubb i grupperom ved sida av biblioteket i A-bygget. Det vil henge lapp på døra. Dei som er med blir enige om å sjå ein film heime frå veke til veke, og diskuterer den i etterkant i filmklubben.
Neste film er Matrix 3. Sjå filmen, og bli med i diskusjonen tysdag 3. november.
Skulen spanderer kino 4 gonger i året på dei som deltek fast.
Teikneserieklubb
Måndag er det teikneserieklubb for deg som liker å lese teikneseriar. Møt opp i grupperom ved sida av biblioteket. Det vil henge lapp på døra. Me snakkes om kva slag teikneseriar du liker å lese, så kan me bestille inn det som kjem fram som ønske.
Strikkeklubb
Måndag er Evy med, og torsdag er Turid med i strikkeklubben. Me sit i sofakroken i biblioteket. Ta med deg eige strikketøy viss du vil det. Skulen har kjøpt inn garn til skjerf, luer, panneband og sokkar, som du kan få hjelp til å lære å strikke.
Bordtennis
Det er bordtennisbord i alle 3 bygga.
Vi håper det er mange som vil kome og vere med på aktivitetene.
Ta gjerne kontakt med Turid på mail hvis du lurer på noko.